Techie IT
१२ जेठ २०८१, शनिबार

जलवायु न्यायका लागि शुक्रबारको अभियान जारी रहने


जलवायु अभियन्ता स्वीडेनकी ग्रेटा थनबर्गले आफ्नो स्कुलको पढाइ सकेपनि शुक्रबार गरिदै आएको स्कूल हडताल जारी राख्ने वाचा गरेकी छन् ।

आजबाट मेरो स्कुले जीवन सकिएको छ, जसको मतलब म अब जलवायुको लागि स्कूल हडताल गर्न नसकुला ग्रेटाले ट्विटरमा भनेकि छन् । तर यो विरोध भने रही राख्ने उनको मनसाय छ ।

स्विडेनी विद्यार्थीहरूले सामान्यतया १९ वर्षको उमेरमा आफ्नो उच्च माध्यमिक स्कुले अध्ययन पूरा गर्छन् । तर ग्रेटाले अभियानको लागि एक वर्षको छुट्टी लिएकी थिइन्। ।
सन २०१८ मा स्विडेनको संसद बाहिर विरोध प्रदर्शन गर्दा उनी १५ वर्षकी थिइन् । जलवायु परिवर्तनको लागि विद्यालय हडतालको चिन्ह बोकेर, उनले राजनीतिज्ञहरूले कारबाही गर्दा मात्र उपस्थित हुने बताएकी थिइन्।् ।

उनको एकल विरोधले युरोप, अमेरिका र अष्ट्रेलियामा विभिन्न आन्दोलनहरू निम्त्यायो, जसलाई फ्राइडे फर फ्यूचर वा क्लाइमेटका लागि स्कूल स्ट्राइक भनेर चिनिन्छ । ग्रेटाले पृथ्वीलाईलाई तातो पार्ने जीवाश्म इन्धनहरूबाट छुटकारा पाउन संसारकै युवाहरूको लडाइको उदाहरण बन्न पुगेकि छन् । आफ्नो ट्विटर बायोमा आफूलाई एक स्वतन्त्र जलवायु न्याय कार्यकर्ताको रूपमा उल्लेख गर्दै, उनले बारम्बार अन्तर्राष्ट्रिय मञ्चमा विश्व नेताहरूको आलोचना गरिन् र ट्विटरमा उनीहरूसँग विवाद चर्काइन । उनलाई नोबेल शान्ति पुरस्कारको लागि समेत मनोनयन गरिएको थियो । यस वर्षको सुरुमा उनी जर्मनीमा कोइलाको बिरूद्धको विरोधमा छोटो समयका लागि हिरासतमा पनि पुगिन ।

प्राविधिक रूपमा विद्यालय हड्ताल नभए पनि म शुक्रबार विरोध जारी राख्छु । हामीसँग सम्भव भएसम्म गर्न बाहेक अर्को विकल्प छैन । लडाई भर्खरै सुरु भएको छ, उनले भनेकी छन् ।

(एजेन्सीहरुको सहयोगमा)


क्याटेगोरी : ताजा अपडेट
ट्याग : #अभियन्ता, #ग्रटा, #जलवायु न्याय, #जलवायु परिवर्तन

तपाईको कमेन्ट लेख्नुहोस्