Techie IT
१२ जेठ २०८१, शनिबार

सन् २०५० भित्र दिल्लीले जलवायु परिवर्तनका कारण अरबौको नोक्सानी भोग्ने प्रक्षेपण


जलवायु परिवर्तनको प्रभावका कारण दिल्लीले आगामी सन् २०५० सम्ममा पौने तीन ट्रिलियन रुपैयाँ बराबारको नोक्सानी भोग्ने प्रक्षेपण गरिएको छ । वर्षा र तापमानको ढाँचामा आएको परिवर्तनले सबैभन्दा कमजोर तथा गरीव मानिसहरुको जीवनमा महत्वपूर्ण जोखिमहरु खडा भएका छन् । जलवायु परिवर्तन सम्बन्धी सरकारको मस्यौदा कार्ययोजनाबाट यो प्रक्षेपण आएको हो ।

अनुमोदन हुन बाँकी रहेको उक्त योजनाले आगामी वर्षहरूमा दिल्ली सहरले सामना गर्न सक्ने प्रमुख चुनौतिहरूको रूपमा उच्च तापक्रम र थोरै दिनमा भारी वर्षा हुने घटनाहरूलाई प्रमुख मानेको छ ।

अनुमोदनको लागि विचाराधीन रहेको योजनाले तापमानमा उछाल आउने र भारी वर्षाका घटनाहरू भारतमा अधिक बढ्ने अनुमान पनि गरिएको छ । सन् २००८ मा जलवायु परिवर्तन राष्ट्रिय कार्य योजना बनाइ राज्य सरकारहरूलाई आफ्नै कार्य योजनाहरू बनाउन पनि निर्देशन दिइएको थियो ।

नयाँ कार्य योजना तर्जुमा गर्दा जलवायु परिवर्तनको छैटौं मल्याकन प्रतिवेदन आइपिसीसीसम्बन्धी अन्तरसरकारी प्यानलले वार्षिक अधिकतम र न्यूनतम तापक्रम तथा वर्षामा विभिन्न जलवायु परिदृष्यको प्रभावको विश्लेषण गर्दै उक्त प्रक्षेपण गरेको विज्ञहरुले बताएका छन् ।

एजेन्सीहरुको सहयोगमा


क्याटेगोरी : ताजा अपडेट
ट्याग : ##climatechange, ##Delhi, ##lossanddamage

तपाईको कमेन्ट लेख्नुहोस्