Techie IT
१२ जेठ २०८१, शनिबार

जलवायु परिवर्तनबारे एआइले सस्तो र गलत जानकारी छिटो फैलाउन सक्ने


अध्ययनकर्ताहरुको टोलीले आर्टिफिसियल इन्टेलिजेन्स (एआइ) को कारण अनलाइनमा गलत जानकारी पहिले नै रही सकेको सन्दर्भमा उत्पन्न हुने सम्भावित खतराहरूका कारण नयाँ जोखिमको घण्टी बज्ने जनाउँदै यसले जलवायु परिवर्तनको बारेमा भ्रामक दावीहरू सस्तो र छिटै फैलाउन सक्ने चेतावनी दिएका छन् ।

अनलाइनमा हुने गलत जानकारीको अनुगमन तथा अनुसन्धान गर्ने न्यूजगर्ड नामक एक कम्पनीले गत हप्ता सार्वजनिक गरेको अध्ययनका आधारमा उक्त चेतावनी दिएका हुन् । उनीहरुले कम्तिमा एक अग्रणी एआई विकासकर्ताले प्रयोगकर्ताहरूलाई यसको उत्पादनमा सम्भावित हानिकारक सामग्री उत्पन्न गर्नबाट रोक्न प्रभावकारी संयन्त्रहरु लागू गर्न असफल भएको जनाएका थिए ।

अध्ययनका अनुसार, अनुसन्धानकर्ताहरूले च्याटजिपीटी प्रयोगकर्ताहरूलाई सम्भावित हानिकारक सामग्री उत्पन्न गर्नबाट रोक्नको लागि च्याटजिपीटीका सुरक्षा उपायहरूलाई निरन्तर रूपमा बाइपास गर्न सक्षम भएको जनाएका छन् । त्यस्तै उनीहरुले भनेका छन्, ओपन एआइको च्याटबोटको पछिल्लो संस्करण गलत सूचना उत्पन्न गर्न बढी संवेदनशील र त्यसो गर्न सक्ने क्षमतामा बढी विश्वस्त रहेको प्रतिक्रियाहरूमा मन्थन गरेको थियो ।

सान फ्रान्सिस्कोका ओपन एआइ विकासकर्ताहरुले गएको महिना एआइ च्याटबोट च्याटजिपिटी ४ को नयाँ मोडल सार्वजनिक गरेका थिए । यसको संसारभर चर्चा चल्न थालेपछि आम मानिसहरुको यसप्रति चासो बढदै गएको छ भने यसले जलवायु परिवर्तनका क्षेत्रमा पार्न सक्ने प्रभावबारे बहस हुन थालेका छन् ।

(एजेन्सीहरुको सहयोगमा)


क्याटेगोरी : ताजा अपडेट


तपाईको कमेन्ट लेख्नुहोस्